Brennubolti
Einnig þekktur sem brennibolti eða brennó.
Þátttakendur skipta sér í tvö lið og útbúa völl sem skipt er í tvennt í miðju. Einn úr hvoru liði er kóngurinn og fer aftast á vallarhelming andstæðinganna. Boltinn gengur síðan milli kónganna og samherja hans og þeir reyna að skjóta andstæðinga sína. Þeir sem fá boltann í sig færa sig fyrir aftan sinn kóng. Markmiðið er að skjóta alla úr hinu liðinu út af vellinum. Þegar einn stendur eftir fer kóngurinn inn á völlinn til að hjálpa síðasta samherjanum. Kóngurinn er með tvö líf.
Áhöld sem þarf til leiksins: Brennibolti eða annar bolti sem fer vel í hönd.
